Астанада кезекті «Astana Invest 2012» форумы өтеді

Астана. Астанада  V Астана экономикалық форумы  ауқымында  24 мамырда  III-ші халықаралық инвестициялық форум  «Astana Invest 2012» өтеді,  - деп хабарлайды  форумның  баспасөз қызметі.

«Форумға  шетелдерден, мемлекеттік органдар мен қаржы институттарынан, бизнес құрылымдарынан, халықаралық ірі корпорациялардан,  шетелдік инвесторлар мен экономиканың нақты секторының өкілдерінен  - барлығы  500-ден астам адам  қатысады деп күтілуде», -  делінген  хабарламада.

Ұйымдаструшылардың айтуынша, форумға қатысу  әлеуетті инвесторларға аймақта бизнесті жүргізудің экономикалық, құқықтық, және басқа да жағдайларымен тасуға шынайы мүмкіндіктер туғызады.  Астана қаласының кәсіпорындары мен ұйымдарындағы инвестициялық жобалардың тұсаукесері кезінде  инвестициялық әлеуетпен танысуға ықпал етеді. Сондай-ақ, форумға қатысушылар ресми және іскер ортамен халықаралық және аймақтық әріптестік мәселелеріне байланысты  түйткілдер мен болашақ жоспарларды талқылай алады.

«BNews.kz» агенттігінің ақпараты бойынша