2012 жылғы 7 мамыр, дүйсенбі күні «Сарыарқа» ауданының әкімі Ермек Оспанов Жеңіс күні қарсаңында ҰОС ардагерлерімен және аудан активімен бірге Әлия Молдағұлованың мемориалды кешені мен Ұлы Отан соғысына қатысқан жауынгерлерге арналған ескерткішке (Жеңіс даңғылы Бөгенбай батыр даңғылының қиылысы) гүл шоқтарын қойды.

2012 жылғы 21 сәуір күні Астанада қала аумағын абаттандыру, көгалдандыру және санитарлық тазалау бойынша  жалпықалалық сенбілік өтеді. Сенбілік күні 80 мың адам, оның ішінде ел басшылары, Қазақстан Парламентінің депутаттары, министрліктер мен ведомстволар, «Нұр Отан» ХДП, ұлттық компаниялар, бизнес құрылымдарының өкілдері, студенттер, оқушылар, қалалық 4000 мекеменің қызметкерлері қатысады деп жоспарлануда. Биылғы жылғы көктемгі сенбіліктің бір ерекшелігі оған Астанада тіркелген дипломатиялық корпус өкілдерінің белсенді қатысуы болып отыр. Бір жағы бұл 20 сәуір күні әлемнің көптеген елінде атап өтілетін Жер күнімен де ұштасып жатыр. АҚШ-та 1972 жылдан бастап Жер күнін миллиардтаған еріктілер ағаш отырғызып, суаттарды тазалап, қала бақтары мен гүлзарларды тазартып, экологиялық акция түрінде дәстүрлі атап өтеді.

2012 жылғы 11 сәуір күні Елбасы Нұрсұлтан Назарбаевтың төрағалығымен Тәуелсіздік Сарайында өткен кеңестің қатысушылары елорданы одан әрі дамыту мәселерін талқылады. Отырыс басталмай тұрып Мемлекет басшысы жаңадан салынатын құрылыс макеттерімен, жол инфрақұрылымын жетілдіру жоспарларымен және елорданың инновациялық даму жобаларымен танысып шықты.